On veult sçavoir si je suis amoureux,
Je dy qu'ouy, et qu'aymer je veulx bien.
Puis on me dit que je suis malheureux,
Et que je doibs penser en moy combien,
Pour aymer Corps, lequel ne dure rien,
Et les Amours, et Amoureux sont morts.
Par ce moyen, ce leur responds je lors :
Je suis heureux. Mon Amour n'est point tel,
J'ayme d'Esprit, et l'Esprit, non le Corps,
Par ainsy est mon Amour immortel.